A R S I H

Nohon’ny fitiavany ny « dessin animé manga » dia nodidihany impolo ny tarehiny mba hitovizany amin’io. Nandaniany vola be tokoa izany fandidiana izany satria dia mahatratra 136 000 dolara ny totalin’ny vola laniny amin’ny fividianana ny fanafody sy ny menaka atao aminy, izay mbola tohizany ankehitriny. Hatramin’izao aloha dia samy mbola tsy mahafantatra ny mety ho vokatr’izany any aoriana any fa dia sahy izy nananteraka izany akitsipo.

Dia samy manana ny fitiavany tokoa ny olona rehetra ka samy manana ny fandraisany azy avy kanefa mba tandremo ihany fa raha tsy voafehy dia mety hitarika zavatra hafa izay tsy voatery ho tsara hatrany. Efa iraha-mahalala ihany koa  fa ny zavatra rehetra tsy misy fetrany dia matetika mitera-boka-dratsy avokoa, fa ny fahaizano mandanjalanja no zava-dehibe.

Mety misy fotoana tokoa ianao no mieritreritra fa ny hafa no tsara aminao dia izay zavatra hitanao nefa tsarovy fa tsy misy tsara mihoatra ny voajanahary ihany raha mbola eto an-tany.

Somary niteniteny mafy ve ianao tatoato, ka lasa niharatsy ny feonao? Ity misy torohevitra maimaika atoro ho anao androany raha toa ka tsy maintsy hihira indray ianao kanefa tsy mbola afaka izay feonao somary garagara izay.

Makà ianao voasary mankirana iray dia ampangotray mandritry ny fotoana maharitraritra. Rehefa mangotraka tsara iny izy dia ampangatsiaho atao antonony ny hafanany. Dia rehefa vita zay dia raisinao iny ranony  iny dia atao gararaoka amin'ny tendanao arakaraka ny mahapety azy.

Dia andramo ary aloha izay torohevitra izay raha toa ka tianao ho tsara be indray ny feonao é!

Efa sarotra loatra angamba ny fiainana amin'izao fotoana izao ka hany efa tsy mahataitra intsony ny famonoan-tena etsy sy eroa. Mampanaelo sy matezitra indraindray ny mahita na mahare azy ireny amin'ny fahitalavitra sy ny gazety maro isakarazany. Fa inona tokoa moa no tena antony mahatonga izany? Maro tsy voatanisa fa ny tena fotony amin'ny akapobeiny dia ny tsy fahazakany ny onjam-piainana na tsy fahatanterahan'ny zavatra tiany (resaka fitiavana ohatra). Tsy misy saina afaka mieritreritra intsony ve sa nahoana no manao toy izany? Manantena angamba izy fa rehefa maty dia ahita fiadanana amin'izay. Nefa indrisy voa maika aza nampikorotana ny tany izay nilaozany, manjary lasa ady hevitra be mantsy ankehitriny ny mety tena antony nahatonga izany. Ao ny mieritreritra fa ny adalan'ny manodidina no nahatonga izany nefa raha izaho manokana dia ny tsy fihetezany ny hizaka sy hiatrika ny zava-misy  no  nanosika azy hanao toy ireny. Mino tokoa ve ianao fa vahaolana amin'ny fiainana ny famonoan-tena?

Ahoana tokoa moa ianao rehefa tena tia?

Sahy manome izay rehetra ananao? Atreto aloha dia samy manana ny fahaizany mitia ny tsirairay avy kanefa kosa mety hisy zavatra hampitovy azy ihany! Mba azonao heverina ve fa ny olona iray rehefa tena tia dia tena mahafoy ny zavatra ananany rehetra eny na hatramin'ny ainy aza? Ary ianao koa ve rehefa tena tian'ny olona iray dia mahafoy azy an'izany? Angamba ianao ihany no hamaly an'izay satria safidinao io. Fa ny any zavatra mba tiako hampita aminao dia ny hoe midika fitiavana foana ve ny fanantaterahana izay tiany? Misy mantsy ny sasany milaza hoe porofom-pitiavana, ka raha toa ka tsy mahavita izay lazainy dia tsy tia azy. Izany marina tokoa ve?